ده قرار محتاج اجابتين
بكام وهنبيع فين ؟

وبكام مش بتحددها دراسة الجدوى لوحدها ولا بيحددها مبداء التمليك ولا الإيجار لوحدة

يعني دراسة الجدوى (بتظغرط) وتقول عائد 300% ف ميهمش نرمي 2% إيجار ده غلط ،
طيب التمليك عالي ورأس المال ضعيف ف هنبداء بداية إيجار محدودة ،

دي مناهج هتفسد مع أول طلعة حرفياً

المرجعية هنا بتكون لحاجة إسمها الهدر السنوي من الاستثمار مضروب في 10 سنوات

هتاجر ب الف يعني 12 الف سنة 120 عشر سنوات

مقارنة مع سعر الأرض أن لم يكن المصنع كامل لو هنبني
طلع في 10 سنوات أرخص إيجار نعتمد ارخص مصنع نعتمد

طيب أصلهم قالو هتتحسن وتضاعف وهتبقي حلاوة بالقشطة مفيش في الاستثمار قالو وقولنا دي مناهج !

ـــــــــــــ
هنبيع فين
علي اي أساس بتحدد العاشر من رمضان وانت هتوزع الصعيد ؟
طيب إزاي اختارت أكتوبر وأنت هتسفر من ميناء السويس
وهاكذا
إجابة السؤال ده رغم تعقيدها الي أنها مهمة ومهمة جداً
لان تكلفة النقل في مصر مبقتش بسيطة ولما بتتحمل علي منتج بتوجع وتصعب الأمور ،
والحل ؟
أنك ما تخدعش نفسك والقائم علي دراسة الجدوى ما يوزعش النقل علي تكلفة المنتج نهائي !
سعر المنتج متغير وكمان التكلفة متغيرة
الحل الجزري انك تحسب قيمة النقل في طاقة الانتاج السنوية وتقارنها مع فرق سعر الإيجار بين المناطق

ولو هتشتري تضرب في نفس ال 10

ده ” فين و ازاي”
بس في إزاي متفرعة إسمها تصنيع لدي الغير ؟
شوف يا سيدي هقولك كلمة عصارة التجربة كلها من قلبي أقسم بالله

لو بدات تصنع لدي الغير وستقرت وبترزق خليك سبب وكمل بنية انك سبب رزق ولو وسعت معاك وسع ربنا يوسع عليك

طيب مبداتش ؟
حاسب يابن الناس وطبخ لقمتك عند ” الشبعان “
وعرف انك مش بسهولة هتكسب وتلقي ” الشبعان “
لو لقيتو متفرطش فية الا لو وسعت معاك وسع ربنا يوسع عليك
ــــــــــــــ

وانت بتجهز البداية خليك فاهم كويس أنك بتتعامل مع نفوس بفلوس
وهتشوف ولاد حلال كتير (في التعليقات) بياكدو كلامي
خليك تقيل وراقب العيون ومتفتش في النفوس
وسئل وسئل وسئل

كلام_صناعة

سيد خميس
نائب رئيس مجتمع الصناعة المصرية