نور عبداللطيف : حوار خاص عن التسويق الرقمى و نصائح عملية للشركات
خلال حوارنا مع نور عبداللطيف الاستشاري في التسويق الرقمى تم اجراء هذا الحوار وسؤالة واليكم نص الحوار ؟
س : ما هو التسويق الرقمي؟
“نور : التسويق الإلكتروني هو التحديث أو التطوير الحديث للتسويق التقليدي. قبل ما ندخل في موضوع الديجيتال ماركتينج، لازم نرجع خطوة ونتكلم عن التسويق التقليدي. التسويق التقليدي باختصار هو إنك توصل المنتج للعميل المستهدف، لكن التحدي كان دايمًا في استهداف الناس الصح. عند عمل إعلان في الشارع، بنوصل لعدد كبير من الناس، لكن المشكلة إن مش كل الناس دي مهتمة بالمنتج. عشان كدا ظهر الديجيتال ماركتينج كأبديت للتسويق. هو وسيلة عشان نقدر نوصل للعميل المستهدف بفعالية أكبر واستهداف أدق.”
س : أهمية التخطيط والاستراتيجية في التسويق الرقمي؟
نور : التخطيط للوصول للعميل والاستراتيجية اللي هتستخدمها عشان تقدر توصل للعميل هي . يعني إزاي أقدر أحط إستراتيجية تخلي الرسالة اللي أنا عايز أوصلها تشد انتباه العميل. البوزيشننج (Positioning) للمنتج مهم جدًا هنا لأنه بيحدد ازاي المنتج هيجذب العميل.
س : ما هي قنوات التواصل المختلفة في التسويق الرقمى ؟
نور: ” طريقة وقنوات الوصول أو التواصل مع العميل، ودي بتشمل حاجات كتير جدًا. عندنا مثلًا جوجل اللي عندهم منصة قوية جدًا بتساعدك توصل للناس اللي بيعملوا بحث (Search) عن المنتج بتاعك. من خلال إعلانات جوجل (Google Ads)، بتقدر تدفع فلوس لجوجل عشان يظهر إعلانك في أول نتائج البحث بناءً على الكلمات المفتاحية (Keywords) اللي العميل بيستخدمها في البحث.”
“في نفس الوقت، في الطريقة الأورجانيك (Organic) اللي هي تحسين محركات البحث (SEO)، عشان الموقع بتاعك يظهر في أول نتائج البحث بدون ما تدفع لجوجل، لكن ده بياخد وقت أطول وبيحتاج مجهود أكتر في تحسين محتوى الموقع.”
“كمان جوجل بتوفر Display Networks اللي بتسمحلك إنك تعرض إعلاناتك في مواقع مختلفة بيزورها العميل بتاعك. جوجل بيستخدم الالجورزم (Algorithm) بتاعه عشان يعرف اهتمامات العميل ويعرضله إعلاناتك على المواقع اللي بيزورها بانتظام.”
س ” دور السوشيال ميديا في التسويق الرقمي ؟
نور : “بالإضافة لجوجل، عندنا طبعًا فيسبوك، لينكد إن، وإنستغرام. كل منصة بتوفر لك أدوات استهداف دقيقة جدًا. مثلًا، فيسبوك وإنستغرام بيخلوك تستهدف الجمهور حسب اهتماماتهم، مكان إقامتهم، حتى وظيفتهم. في بعض الأحيان، بتقدر تستهدفهم حسب دخلهم الشهري.”
“من خلال الـ Sponsored Ads على السوشيال ميديا، بتقدر توصل للناس بسهولة. كل منصة بتسهل عليك العملية في الـ Ad Center بتاعهم. ومن هنا بيبقى مهم جدًا تختار المنصة الصح. لو منتجك بي تو بي (B2B)، لينكد إن وجوجل تواجد عميل ال(B2B) بيكون فيهم اكتر. أما لو المنتج استهلاكي، فيسبوك وإنستغرام ويوتيوب هيوصلوك بشكل أكبر للشريحة المطلوبة وطبعا كل حاجة ليها القنوات الصح ليها”.
س : أهمية التسويق الرقمي للشركات ؟
نور : “الديجيتال ماركتينج هو اللي يحقق الفعالية الكبرى في الحملات. في الماضي، كان التسويق منقسم لـ ATL وBTL”.
” ATLهو Above The Line، زي الإعلانات اللي بنشوفها في التلفزيون أو الشوارع، اللي بتستهدف جمهور واسع. لكن مشكلتها كانت إن التكلفة عالية جدًا وغير فعّالة في استهداف الجمهور المناسب.”
“من ناحية تانية، BTL هو Below The Line، وده بيستهدف جمهور محدد جدًا من خلال وسائل زي الـ Events أو الجناح في المعارض. لكن مشكلته إنه بيستهدف فقط جمهور محدود.”
“أما دلوقتي، الديجيتال ماركتينج جاي بحل وسط بين ATL و BTL من خلال TTL (Through The Line)، اللي بيوفر الاستهداف الواسع لـ ATL مع دقة BTL. يعني دلوقتي نقدر نوصل لجمهور أكبر وبشكل أدق في نفس الوقت، وده اللي بيحقق معدل تحويل أعلى بكتير من التسويق التقليدي.”
س: القنوات المستخدمة في التسويق الرقمي كلمنا عنها ؟
نور : “القنوات كلها طبعاً أونلاين، العالم توسع جداً في الحتة دي، بقى ممكن استخدام كل حاجة، أو الانتشانلز (Channels) اللي ممكن نستخدمها في الديجيتال ماركتينج كترت جداً.”
“عندنا جوجل، السوشيال ميديا بلاتفورمز (Social Media)، وكمان الايميل ماركتينج (Email Marketing). التيكتوك وإنستغرام ريلز أيضًا أصبحوا قنوات مهمة للتواصل مع العملاء.”
أهم القنوات:
جوجل:
جوجل لها ثلاث شبكات رئيسية:
جوجل سيرش أدز (Google Search Ads) – للإعلانات المدفوعة (SEM).
تحسين محركات البحث (SEO) – للأبحاث الاورجانيك.
جي دي ان (Google Display Network) – يعرض الإعلانات في مواقع أخرى.
يوتيوب: يندرج تحت جوجل وأيضًا تحت السوشيال ميديا، حيث يمكن عمل إعلانات فيديو تستهدف العملاء المهتمين.”
السوشيال ميديا بلاتفورمز:
تيكتوك
إنستغرام
فيس بوك
لينكد إن
“من الضروري استهداف تيكتوك، إنستغرام، فيس بوك، ولينكد إن من خلال الألغوريثم الخاص بهم”.
التسويق عبر البريد الإلكتروني (Email Marketing):
إمكانية إرسال إيميلات للمهتمين بالمنتج.
خلق انجيجمنت (Engagement) مع العملاء.
تسويق المؤثرين (Influencer Marketing):
استغلال العلاقات العامة للانفلونسرز لجذب أكبر عدد من العملاء.
كل هذه القنوات مفيدة حسب المنتج وأهداف الخطة التسويقية.
س: وضح لنا كيفية التخطيط لحملة تسويق رقمي ؟
نور: “الديجيتال ماركتينج طبعاً هو أهم حاجة في التلات الحاجات اللي ذكرناهم قبل كدا وهو من أهم الحاجات عشان:”
المساهمة في الاستمرارية (Consistency):
يُعتبر الديجيتال ماركتينج من أهم العناصر للحفاظ على تناسق العلامة التجارية.
استراتيجيات وضع المنتج (Positioning):
التخطيط:
رؤية الناس للمنتج.
تحديد الموقع المناسب للمنتج.
التركيز:
التركيز على:
السعر (Price)
الجودة (Quality)
القيمة (Value)
هذه العوامل تساعد في تشكيل كيفية إدراك الناس للمنتج.
الاستهداف والتخطيط:
التخطيط لصورة المنتج عند العميل (Perception):
كيفية مخاطبة كل قناة بطريقة تناسب المستهلك.
أمثلة:
إعلان على لينكد إن: يمكن أن يكون نصيًا.
إعلان على جوجل: غالبًا نصيًا أيضًا.
إعلان على إنستغرام ريل أو تيكتوك: يجب أن يكون فيديو.
مراحل التسويق (Phases):
المرحلة الأولى: جذب انتباه العميل للمنتج.
المرحلة الثانية: توفير معلومات إضافية حول المنتج لفهمه بشكل أفضل.
المرحلة الثالثة: تشجيع العميل على تفضيل المنتج على المنتجات الأخرى.
هذه المراحل تمثل كيفية تفاعل المنتج مع التسويق الرقمي بشكل عام.
س: أخير نرجو الإفادة ببعض نصائح للشركات لاستخدام التسويق الرقمي بفعالية ؟
نور : “أهم نصيحة هي الاستمرارية. لازم الشركة تكون متواجدة دايمًا، سواء من خلال السوشيال ميديا أو الإعلانات. الناس بتحب تتواصل مع الشركات اللي تثق فيها. وكمان، ما تخافش تجرب قنوات جديدة. التسويق الرقمي بيوفر لك أدوات كتير، استخدمها كلها”.
التركيز على الثبات:
الالتزام بالخطة التسويقية.
الاستمرارية في المحتوى:
الحفاظ على جدول منتظم لنشر المحتوى.
التواصل الفعال:
الاستمرارية في الحوار: استخدام لغة واحدة وأسلوب متسق في التواصل مع العملاء.
بناء الثقة:
الحرص على بناء علاقة ثقة مع العملاء.
زيادة التفاعل:
تعزيز التواصل بين الشركة والعملاء عبر شبكات التواصل الاجتماعي.
توفير الدعم المستمر:
التأكد من أن العملاء يشعرون بأنهم متاحون للتواصل في أي وقت.
الرد على استفساراتهم وحل مشكلاتهم بسرعة وفعالية.
الهدف:
الهدف الأسمى من الديجيتال ماركتينج هو تسهيل التواصل بين الشركة والعميل وتعزيز الثقة.Top of Form
Bottom of Form
